व्वाँसाहरुको भेडीगोठ

एक अनकण्टारको जंगल
व्वांसाका समुहहरुको हालिमुहाली
हरेक समुहको अलगअलग भेडिगोठ
फरक हात्तीको देखाउने दाँत खाली

व्वांसाहरुको तँछाड मछाड
गोठका भेडाहरुलाई मख्ख पार्न
भेडाका छाला ओढेर आफ्ना दाह्रा लुकाउन
अर्काको तान्न अनि आफ्नाको पलायन टार्न

ऊनको ऊन थपमा तरुवा भुटुवा व सेकुवा
आफ्ना गोठ भित्र आफ्नेै उपयोग तरिका
रजगज व्वांसाहरुकै हो भेडाका छालामा
म तिम्र‌ै हो तिमी मेरै हो भ्रम परिपरिका

यही हो व्वांसाहरुको भेडिगोठ
जसका भेडाहरुले मृत्यु वरण गर्छन
तर भ्रम कायम रहन्छ भेडाहरुको
यही भ्रममा व्वांसाहरुको निमित्त मर्छन

स्वयम्भुनाथ कार्की
विराटनगर १
२०८२।१०।२३