राष्ट्र बैंकद्वारा नयाँ विनिमयदर सार्वजनिक, डलरदेखि युरोसम्मको विनिमयदर वृद्धि

काठमाडौं / नेपाल राष्ट्र बैंकले बिहीबारका लागि विदेशी मुद्राको विनिमयदर सार्वजनिक गरेको छ। केन्द्रीय बैंकले निर्धारण गरेको विनिमयदरअनुसार अमेरिकी डलरको मूल्य पुनः उच्च स्तरमा कायम रहँदा एक डलरको बिक्रीदर १५१ रुपैयाँ ५५ पैसा पुगेको छ।

राष्ट्र बैंकका अनुसार अमेरिकी डलर एकको खरिददर १५० रुपैयाँ ९५ पैसा र बिक्रीदर १५१ रुपैयाँ ५५ पैसा निर्धारण गरिएको छ। यस्तै, युरोपियन युरो एकको खरिददर १७४ रुपैयाँ ९५ पैसा तथा बिक्रीदर १७५ रुपैयाँ ६५ पैसा कायम गरिएको छ।

बेलायती पाउन्ड स्टर्लिङ एकको खरिददर २०२ रुपैयाँ ३६ पैसा र बिक्रीदर २०३ रुपैयाँ १७ पैसा तोकिएको छ भने स्वीस फ्र्याङ्क एकको खरिददर १९० रुपैयाँ ३७ पैसा र बिक्रीदर १९१ रुपैयाँ १२ पैसा रहेको छ।

अन्य प्रमुख मुद्रातर्फ अष्ट्रेलियन डलर एकको खरिददर १०६ रुपैयाँ ६५ पैसा र बिक्रीदर १०६ रुपैयाँ ९७ पैसा, क्यानेडियन डलर एकको खरिददर १०७ रुपैयाँ ७१ पैसा र बिक्रीदर १०८ रुपैयाँ १३ पैसा तथा सिङ्गापुर डलर एकको खरिददर ११७ रुपैयाँ ६२ पैसा र बिक्रीदर ११८ रुपैयाँ ०८ पैसा निर्धारण गरिएको छ।

जापानी येन १० एकाइको खरिददर ९ रुपैयाँ ४२ पैसा र बिक्रीदर ९ रुपैयाँ ४६ पैसा कायम गरिएको छ। चिनियाँ युआन एकको खरिददर २२ रुपैयाँ ३३ पैसा र बिक्रीदर २२ रुपैयाँ ४२ पैसा रहेको छ। त्यस्तै, साउदी अरेबियन रियाल एकको बिक्रीदर ४० रुपैयाँ ३८ पैसा तथा कतारी रियाल एकको बिक्रीदर ४१ रुपैयाँ ५७ पैसा तोकिएको छ।

राष्ट्र बैंकका अनुसार यूएई दिराम एकको बिक्रीदर ४१ रुपैयाँ २७ पैसा, मलेसियन रिङ्गेटको ३७ रुपैयाँ २५ पैसा, थाई भाटको ४ रुपैयाँ ६५ पैसा तथा दक्षिण कोरियाली वन १०० एकाइको बिक्रीदर ९ रुपैयाँ ९९ पैसा कायम भएको छ। स्वीडिस क्रोनर र डेनिस क्रोनरको बिक्रीदर क्रमशः १६ रुपैयाँ १३ पैसा र २३ रुपैयाँ ५० पैसा निर्धारण गरिएको छ।

त्यसैगरी, हङकङ डलर एकको बिक्रीदर १९ रुपैयाँ ३४ पैसा, कुवेती दिनारको ४९३ रुपैयाँ ७३ पैसा, बहराइन दिनारको ४०१ रुपैयाँ ९८ पैसा तथा ओमानी रियालको ३९३ रुपैयाँ ६५ पैसा कायम भएको छ।

छिमेकी मुलुक भारतको मुद्रा विनिमयदरअनुसार भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा तोकिएको राष्ट्र बैंकले जनाएको छ ।

केन्द्रीय बैंकले आवश्यकता अनुसार जुनसुकै समयमा विनिमयदर संशोधन गर्न सकिने उल्लेख गरेको छ । साथै, वाणिज्य बैंकहरूले निर्धारण गर्ने विनिमयदर फरक हुन सक्ने भएकाले अद्यावधिक दर राष्ट्र बैंकको वेबसाइटमार्फत हेर्न सकिने जनाएको छ ।