सुन–चाँदी बजारमा सामान्य करेक्सन, सुन तोलामा ६०० र चाँदी १५ रुपैयाँ घट्यो

काठमाडौं । स्थानीय बहुमूल्य धातु बजारमा बुधबार सुन र चाँदी दुवैको मूल्य सामान्य घटेको छ। अन्तर्राष्ट्रिय बजारको मूल्य प्रवृत्तिको प्रभावसँगै घरेलु बजारमा पनि सुन–चाँदीको कारोबार केही सस्तो भएको हो।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ६०० रुपैयाँ घटेर दुई लाख ७७ हजार ३०० रुपैयाँ कायम भएको छ। अघिल्लो कारोबार दिन सुन प्रतितोला दुई लाख ७७ हजार ९०० रुपैयाँमा कारोबार भएको थियो।

यस्तै, चाँदीको मूल्य पनि प्रतितोला १५ रुपैयाँले घटेको छ। आज चाँदी प्रतितोला चार हजार २७० रुपैयाँमा कारोबार भइरहेको महासंघले जनाएको छ। अघिल्लो दिन यसको मूल्य प्रतितोला चार हजार २८५ रुपैयाँ रहेको थियो।

बहुमूल्य धातुको मूल्य अन्तर्राष्ट्रिय बजारको उतारचढाव, विनिमय दर र माग–आपूर्तिको अवस्थाअनुसार दैनिक रूपमा समायोजन हुने गरेको छ।