सुनको मूल्य फेरि उकालो, चाँदी भने तोलामै ९० रुपैयाँ सस्तियो

काठमाडौं । स्थानीय बजारमा बिहीबार सुनको मूल्य सामान्य बढ्दा चाँदीको मूल्य भने घटेको छ।

नेपाल सुनचाँदी व्यवसायी महासङ्घका अनुसार छापावाल सुनको मूल्य अघिल्लो कारोबार दिनको तुलनामा प्रतितोला ४०० रुपैयाँले बढेर दुई लाख ८५ हजार २०० रुपैयाँ पुगेको छ। बुधबार छापावाल सुन प्रतितोला दुई लाख ८४ हजार ८०० रुपैयाँमा कारोबार भएको थियो।

यता, चाँदीको मूल्य भने प्रतितोला ९० रुपैयाँले घटेको छ। बुधबार चार हजार ४१५ रुपैयाँ कायम रहेको चाँदीको मूल्य बिहीबार चार हजार ३२५ रुपैयाँमा निर्धारण गरिएको महासङ्घले जनाएको छ।

अन्तर्राष्ट्रिय बजारमा पनि बहुमूल्य धातुको कारोबार निरन्तर भइरहेको छ। अन्तर्राष्ट्रिय सञ्चारमाध्यमका अनुसार बिहीबार एक औँस सुन चार हजार ५९ अमेरिकी डलर तथा चाँदी ५७ अमेरिकी डलरमा कारोबार भइरहेको छ।

अन्तर्राष्ट्रिय बजारको मूल्य प्रवृत्ति, अमेरिकी डलरको अवस्था र लगानीकर्ताको मागका आधारमा स्थानीय बजारमा सुनचाँदीको मूल्य दैनिक रूपमा समायोजन हुँदै आएको छ।